Novas

20-07-2015 -

Declaración institucional do día da Patria Galega 2015

O pasado venres, 17 de xullo, tivo lugar a lectura da Declaracións Institucional polo Día da Patria Galega da man de Pablo Bouza Suárez, no Parque Lineal do Río Cádavo, acompañado polo Coro Infantil de Agarimo.
18-07-2015 -

Comunicado abastecemento agua consumo humano

O alcalde de Fene, Juventino Trigo Rey, informa á veciñanza que segundo o comunicado da  Xefatura territorial da Consellería de Sanidade recibido hoxe sábado 18 de xullo ás 22.23 h, os resultados das análises de auga da traída municipal do Concello de Fene conclúen que é APTA PARA O CONSUMO HUMANO, polo que dáse por finalizado o período de restrición de uso de auga para a súa inxesta e uso alimentario.
17-07-2015 -

Anuncio nomeamento peóns funcionarios interinos

Publicado o anuncio relativo ao nomeamento de peóns como funcionarios interinos para a cobertura das vacacións do persoal municipal.
17-07-2015 -

O II Campus de Fútbol Sala Feminino María Vieira "Mavi" Concello de Fene chega ao seu ecuador

O II Campus de fútbol sala feminino María Vieira "Mavi" Concello de Fene chegou na xornada de hoxe, mércores 17 de xullo,  ao seu ecuador tras a celebración da súa quinta xornada na pista do Pavillón da Xunqueira en San Valentín (Fene).

17-07-2015 -

O Concello de Fene habilita puntos de subministro de auga potábel para a veciñanza

Continúa a prohibición de beber auga da billa e mesmo cociñar con ela, ata novo aviso Ante a restricción do consumo de auga que procede da rede de abastecemento municipal o Concello de Fene pon, para hoxe venres 17 de xullo, a disposición da veciñanza os seguintes puntos de subministro de auga potábel:
Fene Ao longo de todo o día un punto de subministro fixo situarase na casa do Concello.
San Valentín A partir das 15.00 h e ata as 19.00 h un camión cisterna situarase nas inmediacións do Pavillón A Xunqueira.
Perlío A partir das 16.00 h e atas 20.00 h un camión cisterna situarase en Perlío, na Praza Verde.
Para o sábado día 18 de xullo está prevista a distribución de auga de 10.00 h a 14.00 h en San Valentìn e de 10.00 h a 18.00 h na Casa do Concello
A poboación que acuda a estes puntos de subministro deberán de ir provistos de garrafas baleiras.
Paralelamente e en coordinación cos servizos sociais de Fene, estase a distribuir auga embotellada aos domicilios de persoas con problemas de mobilidade reducida e familias con poucos recursos.
As sociedades e asociacións veciñais colaborarán tamén como puntos distruidores de auga.
A información á cidadanía manterase actualizada a través de todas as canles municipais, megafonía, paxina web, Radio Fene.
Teléfonos de información:
Casa do Concello
Teléfono da policía local 981 492 777 e no móbil 609 82 87 44
Centralita 981 49 27 07
Centro de Servizos Sociais de San Valentín
nos  teléfonos : 981 342 607, 981 492 706
16-07-2015 -

NON ESTÁ PERMITIDO O CONSUMO DE AUGA PARA COCIÑAR OU BEBER

O alcalde de Fene, Juventino José Trigo Rey, informa á veciñanza de que hoxe, 16.07.2015, a Xefatura Territorial de Sanidade da Coruña comunicounos un incumprimento dos paramétricos químicos no abastecemento de auga para o consumo humano que afecta ás zonas de Narón, Ferrol, Fene, Mugardos e Ares.
É polo que, ata novo aviso, NON ESTÁ PERMITIDO O CONSUMO DE AUGA PARA COCIÑAR OU BEBER que procede da rede de abastecemento municipal.
Juventino José Trigo Rey
16-07-2015 -

Acto instuticional do día da patria galega

O Concello de Fene convida aos veciños/as a participar este venres 17 de xullo no acto de conmemoración do Día da Patria Galega. No mesmo, procederase á lectura da Declaración Institucional a carón do monumento “Día da Patria Galega”, instalado no parque liñal do Río Cádavo.
15-07-2015 -

"Don Gelati" O refrescante espectáculo do mago Dani García, chega a Fene

A maxia volve á Praza do Concello de Fene este xoves 16 de xullo, no marco do Ciclo do Día da Patria Galega que organiza a Concellería de Cultura en colaboración coa Deputación da Coruña e Agadic-Xunta de Galicia. Desta vez, o protagonista será o mago Dani García co seu último espectáculo, “Don Gelati”, que presentará a partir das oito do serán.
14-07-2015 -

Hoxe mércores achégate a Xornada de Convivencia Interxeracional na Praza do Concello de Fene

Xornada concibida coma encontro dos veciños/as de Fene de todas as idades que comezará ás 20 horas na Praza do Concello e na que se distribuirá gratuitamente churrasco, bola e empanada (até rematar existencias)
13-07-2015 -

Catro corais e dúas rondallas protagonizarán este martes o X Festival de Habaneiras "Concello de Fene"

As corais polifónicas do CPS de San Valentín, ACDR O Pote de Maniños, SCRD Agarimo de Sillobre e Eterna Xuventude do Centro Social de Fene, así como as rondallas Estrelecer do CMI Unidade de Fene e Perla do Río do CCRD de Perlío, subirán este martes ao escenario da Praza do Concello nunha nova edición do Festival de Habaneiras “Concello de Fene”.