Novas

13-07-2015 -

O "Verán Máis Alá" visita o Muncyt da Coruña

Os nenos/as do Verán Máis Alá  marchan de excurxión esta semana. O mércores 15 de xullo visitarán o Museo Nacional de Ciencia e Tecnoloxía (Muncyt) da Coruña. Os pequenos/as sairán en autobús dende o CEIP Centieiras ás 10.00 horas e voltarán ao centro en torno ás 14:00 horas.
10-07-2015 -

Bando da alcaldía con motivo da conmemoración do Día da Patria Galega

O Alcalde de Fene, Juventino Trigo Rey, ven de ditar un bando no que reflexiona sobre o significado do “Día da Patria Galega”, en palabras de Castelao “a festa maior de todos os galegos”, convidando á poboación a reivindicar o orgullo de pertencer a un país branco e azul e a exteriorizalo engalanando, o 25 de xullo, fiestras e balcóns coa bandeira galega.
 O bando remata cuns versos de Manuel María, a quen a Real Academia Galega ven de dedicar o “Día das Letras Galegas” do vindeiro ano, que din: “Galicia somos nós:/ a xente e maila fala./ ¡Se buscas a Galicia /en ti tes que atopala!”
10-07-2015 -

O luns, Maxia e humor co Mago Román no Ciclo do Día da Patria Galega en Fene

Tralo concerto que ofrecerá esta noite Guadi Galego na Praza do Concello, a programación do Ciclo do Día da Patria Galega continuará o vindeiro  luns, 13 de xullo, neste mesmo escenario cun espectáculo de maxia a cargo do Mago Román. A montaxe, titulada “Labirinto de ilusións 2.0.”, preséntase coma “un espectáculo no a maxia está acompañada de disparatadas e cómicas historias nas que participa permanentemente o público”. A función comezará o luns ás dez da noite na Praza do Concello (entrada libre).
09-07-2015 -

Guadi Galego abre o Ciclo do día da Patria Galega en Fene

Guadi Galego, unha das artistas máis relevantes da escena musical de Galicia, presenta mañá en Fene "Lúas de outubro e agosto" o seu segundo traballo como solista. O concerto, previsto para as 22 horas na Praza do Concello (entrada libre), supón o comezo do “Ciclo do Día da Patria Galega ” que organiza a Concellería de Cultura de Fene en colaboración coa Deputación da Coruña e Agadic-Xunta de Galicia.
09-07-2015 -

Exposición de María Yuste na Casa da Cultura de Fene

Ao redor de corenta cadros realizados ao óleo e espátula e con temática sobre flores, compoñen a exposición de pintura que a artista coruñesa María Yuste amosará dende este venres na Sala de Exposicións da Casa da Cultura de Fene. A mostra permanecerá aberta ao público do 10 de xullo ao 10 de agosto, en horario de luns a venres, de 10.00 a 14.15 horas.
08-07-2015 -

Proposta contratación na selección de cuadrillas de obras e servizos mínimos munipais

Publicado o anuncio coa proposta de contratación de persoal laboral de cuadrillas de obras e servizos mínimos munipais
07-07-2015 -

Anuncio proceso selectivo brigadistas

Publicado o anuncio relativo ao requerimento de achega de documentación e a aprobación de listas de aspirantes para posíbeis vacantes.
07-07-2015 -

Requerimento conductor motobomba

Publicado o anuncio relativo ao requerimento de documentación do persoal seleccionado para a cobertura, como persoal laboral temporal, de condutor motobomba – extinción de incendios.
07-07-2015 -

Este venres arrinca o Ciclo do "Día da Patria Galega" con Guadi Galego en concerto

O programa inclúe múscica, maxia e a xornada de convivencia interxeracional.
06-07-2015 -

A chave é nosa.....a chave une

Co lema de A chave é nosa.... a chave une...a vellos e a novos, o Club de Amigos da Chave de Ferrolterra anima á mocidade e a poboación en xeral a participar neste xogo tradicional .