Novas

12-09-2019 -

O plan municipal de rebacheos estendeuse ao longo de 35 pistas e camiños de Fene

O Concello de Fene vén de rematar as actuacións previstas no plan de rebacheos realizado en diversas pistas e camiños das diferentes parroquias do municipio e que contemplou máis de 35 actuacións. Estas obras contaron cun orzamento de 35.859,56 euros.

En concreto, explica o alcalde, Gumersindo Galego, os traballos consistiron nun rebacheo de firme asfáltico. Actuouse en varias pistas do concello co obxectivo de acondicionalas, atendendo así ás demandas dos veciños ante o estado das mesmas.

Na parroquia de Fene realizáronse catro actuacións; seis en Barallobre; cinco en Magalofes; seis en Maniños; cinco en Perlío; dúas en Sillobre; e sete en Limodre, segundo as previsións deste plan de rebacheo.
12-09-2019 -

O Concello presenta ás entidades sociais o programa de Envellecemento Activo

O Concello de Fene, a través da Concellería de Benestar Social e Igualdade, convocou hoxe ás 12:00 horas ás entidades sociais para presentar o programa de Envellecemento Activo, no que se enmarca a iniciativa Tardes Activas.

Participan nesta reunión a concelleira de Benestar Social, Tamara Miragaya López, e a técnica responsable do programa, María José Paz Rodríguez. Ademais, están convocadas as persoas que integran as directivas das entidades.
10-09-2019 -

O Concello abre o prazo de matrícula nas escolas deportivas a próxima semana

O Concello de Fene abrirá a vindeira semana o prazo de inscrición nas escolas deportivas municipais que se celebrarán no curso 2019/2020, que se estenderá dende o 1 de outubro ata mediados ou finais de xuño, segundo os casos.

Este ano, o Concello de Fene ofrece un amplo abano de actividades, coma atletismo, pequedeporte, baloncesto, ximnasia rítmica, baile moderno, patinaxe, zumba, pilates, rehabilitación funcional, judo, karate e ioga. Na piscina, ofrécese aquagym e natación para todas as idades (dende bebés ata maiores), para embarazadas, para o postparto e mesmo natación terapéutica.
10-09-2019 -

O Concello remata as obras para cubrir a pista deportiva do CEIP Centieiras

O alcalde, Gumersindo Galego, informou esta mañá do remate dos traballos realizados para cubrir a pista polideportiva do CEIP Centieiras, en Perlío.

Esta intervención contou cun orzamento próximo aos 300.000 euros e, segundo explicou o alcalde, completarase proximamente con outros 40.000 euros que se destinarán a acondicionar as gradas na contorna.
09-09-2019 -

O goberno de Gumersindo Galego saca adiante as obras do POS+ adicional coa abstención dos grupos da oposición

O alcalde, Gumersindo Galego, informou hoxe da aprobación en pleno extraordinario do Plan Provincial de Obras e Servizos Adicional (POS+Adicional): as obras de reforzo do firme na rúa Santa Ana e un tramo da rúa Travesa. A proposta saíu adiante co voto favorable do grupo de goberno e a abstención dos demais grupos da corporación.
09-09-2019 -

A Casa da Cultura de Fene adopta este mércores o horario do curso escolar Fene

A Casa da Cultura de Fene adoptará este mércores un novo horario, coincidindo co comezo do curso escolar para os estudantes de Educación Primaria, que retoman as aulas este 11 de setembro.
06-09-2019 -

O Concello de Fene abre o prazo para solicitar o bono bus universitario

O alcalde, Gumersindo Galego, informou esta mañá da apertura do prazo de solicitude das subvencións, para as que se require estar empadroado e ter residencia efectiva en Fene dende o 1 de xuño de 2019, cursar estudos universitarios para os que sexa necesario desprazarse ata Coruña e presentar a documentación esixida nas bases. Ademais, establécese un limiar na renda dos beneficiarios, que oscila entre o máximo de 14.112€ para familias dun membro ata 53.665€ para familias de oito membros.
06-09-2019 -

Arrancan as obras de saneamento, renovación da rede de abastecemento de auga e aglomerado do Camiño do Sartego

O alcalde, Gumersindo Galego, informou esta mañá do inicio das obras de renovación da rede de abastecemento de auga, saneamento e aglomerado no Camiño do Sartego –dende a Avenida Naturais ata o Camiño de Casanova- e a pavimentación da rúa Fontenova– entre o Museo do Humor e ata o propio Camiño do Sartego-. A actuación contempla un investimento total de preto de 135.000 euros e financiarase con cargo a fondos procedentes da Deputación provincial da Coruña e fondos propios. Ata o momento, o camiño do Sartego conta cunha rede unitaria de saneamento –que conduce as augas residuais e pluviais.
03-09-2019 -

Fene convida a visitar Barallobre para degustar 21 pratos na Festa Mariñeira e gozar da música do Festival das Ondas

O Concello de Fene convida a veciños e visitantes a acudir o vindeiro sábado, 7 de setembro, ao Peirao de Barallobre, onde se celebrarán a VI Festa Mariñeira e o II Festival das Ondas. Dous eventos que foron presentados esta mañá na Confraría de Barallobre nun acto no que participaron o alcalde de Fene, Gumersindo Galego; o concelleiro de Promoción Turística, Juan José Franco; e o patrón maior, Jorge López.
03-09-2019 -

O alcalde recibe á nena sahariana que pasou o verán cunha familia de Fene

O alcalde, Gumersindo Galego, e outros integrantes da corporación municipal, recibiron esta mañá no salón de plenos á nena sahariana que está a pasar o verán cunha familia de Fene, grazas ao programa Vacaciones en Paz que pon en marcha cada ano a entidade Solidariedade Galega co Pobo Saharaui.